Gërvalla priti në takim lamtumirës Ambasadorin e Finlandës, flasin për bashkëpunimin mes të dyja vendeve

08:51 | 7 Gusht 2025
E.G

Zëvendëskryeministrja dhe Ministrja në detyrë e Punëve të Jashtme dhe Diasporës, Donika Gërvalla, priti në një takim lamtumirës Ambasadorin e Republikës së Finlandës në Kosovë, Matti Nissinen.

Sipas njoftimit, gjatë takimit, Gërvalla shprehu mirënjohjen e saj për kontributin dhe përkushtimin e Ambasadorit Nissinen në forcimin e marrëdhënieve miqësore dhe bashkëpunimit ndërmjet Kosovës dhe Finlandës, shkruan Arbresh.info.

“Finlanda ka qenë dhe mbetet një partnere e besueshme e Republikës së Kosovës, si dhe një mbështetëse e palëkundur e rrugës sonë drejt integrimit euroatlantik”, theksoi Ministrja Gërvalla.

Në përfundim të mandatit të tij diplomatik në vendin tonë, ajo i uroi Ambasadorit Nissinen suksese në angazhimet e ardhshme duke theksuar se ai do të vazhdojë të mbetet një mik i Kosovës./Arbresh.info/